तिज

बैशाख  को शुक्ल पक्ष मा,

आपरो पितृ की याद मा ll

करसा भरसेती तीज मा,

उपवास, करो दान करो ll

 पूजा करो माता लक्ष्मी की,

आराधना करो विष्णु की ll

पोवारी त्यौहार की शान,

करसा भरण को पुण्य महान ll

पितृ दोष ला मिटावन अना, माय बाप ला वंदन तीज को से बंधन ll

जिम्मेदारी को भार याद आवसे हर बार, वोला कसेती तीज को त्यौहार ll

सपरी सारावो,वोसरी सरावों,

चवरी ला आता सजावो ll

आंबा आनो परसा का पान आनो,

करसा संग  लहान करई लेवो ll

पनो बनावो सेवई बनावो,

पानबड़ा की भाजी बनावो ll

कगुर डाको, बिरानी डाको,

अपर्ण करो बिनती तुमरी ll

पनीलक भरेव से गागर,

प्रतीक आय परिवार को सागर ll

पूर्वजो की याद मा, 

अक्षय रहे बाद मा  ll

पोवारी की जित आय,  

संस्कृति आमरी तीज आय ll

पूर्वजों को शांन मा, 

करसा भरो मान मा ll

अक्षय तृतीया को जग मा मान से

क्षत्रिय पोवार आमरी शान से ll

प्रा. डॉ. हरगोविंद चिखलु टेंभरे

मु.पो.दासगांव ता. जि. गोंदिया

मो.९६७३१७८४२४ 🙏🙏