अहंकार बनावसे माणूस ला हैवान
पेहरावसे मुखोटा अमानुषपणा को
नकळत घड जासेत वाईट गोष्टी हातलका
करनो पडसे पश्चाताप मंग जीवनभरको।।
अहंकार लका रावण भी गयेव वाया
करीस वीर पुत्रइनको आपलो हातल संहार
मती मारी गयी होती दशानन की पूरी
झेलनो पडेव मर्यादापुरुषोत्तम राम को वार।।
स्वर्गा को राजा देवाधिदेव इंद्र को अहंकार
करीस इंद्रसभाला बी वोन तार तार
दैत्य,असूरनबी करीन आपलो आराधना लका
इंद्र को अहंकार परा करीन अजस्त्र वार।।
माणूस करू नको गर्व अना अहंकार
आपलो बुद्धी को प्रयोग लका निसर्ग परा वार
देख कोरोना को सामने भयी कसी से
सारो मानवजातीकी पछाडेववानी हार।।
क्षणिक अहंकार करसे अगाध विनास
अहंकार छोडके धरो सत्य अना प्रेम की कास
जरा ध्यान ठेवो आपलो जीवन मा भविष्यको
तबच होय जाये पूरी मानवजात पास।।
✍वर्षा पटले रहांगडाले
No comments:
Post a Comment