गवळण chhaya pardhi 23

    गवळण

     कान्हा

सोळ सोळ गा कान्हा 

पदरला धरु नोको सोळ।। धृ।।

घरमा रवसे सासु मोरी

असी नोको करु तु मस्करी 

तोरो नेतीमा आयेव खोळ l1l

तोरो बन्सरीको आवाज भारी 

मोहित भई गवळण सारी 

तोर सुरतला नही तोळ  ।। २।।

पेंदया सुदामा संगी तोरा आती

दहीदुध चोरसेस उनकं साती

या चांगली नही तोरी खोळ। ।। ३।।

मथुरा सोळखन गोकुळमा आयेस

गवळणी संग तु रास रचायेस

लीला तोरी अनमोल  ।। ४।।

नंदको लाल तु कृष्ण मुरारी 

यशोदा को बाळ राधा राणी प्यारी 

भावबंधन  तू  तोळ ।। ५।।

सौ छाया सुरेंद्र पारधी

सिहोरा