मोर
*******************
राष्ट्रीय पक्षी आय यव मोर
दिससे कसो मोठो झकझोर
सब पक्षीइनमा सेस तूचथोर
लगसे जसो आयो चित्तचोर//१//
डोसका पर से ओक मोठो तुरा
आंगपर से मोठो जात पिसारा
ओकपर दीससे चन्दा ना तारा
रंगबिरंगा सेती गोल गोल सारा//२//
जब पाणी बारीस को पळसे
मोर थयथया जंगलमा नाचसे
ओक संगच मोरणी भी रव्हसे
मधुर कुहु कुहु आवाज करसे//३//
ऊचोसे कद जेको लंबी से मान
कृष्णक मुकुटकी बळावसे शान
देखशानी होय जासेती सबहैराण
भारतमाच नही सार जगमासे मान//४//
डी पी राहांगडाले
गोंदिया9021896540
*******************************
No comments:
Post a Comment