मोरी शाळा
घरसरीखी शाळा से
गुरूजी मायबाप
दरद होये संभालसेत
खोकला रहे या ताप !!१!!
वर्ग लगसे मोला स्वर्ग
हर टुरो सग्गा भाई
गुरूजी का गाना वाना
लगसे मोला लोरी !!२!!
एक एक दिवार परा
फुल फुलेव से मस्त
मन रमसे शाळामां खास
जरी अभ्यास से ज्यास्त !!३!!
घरपर को प्रेम भेटसे वहान
नही कमी कायकी
शाळा मोरो गुरूकुल सरिखो
भेटसे सीख जीवनकी !!४!!
असी मोरी शाळा भाऊ
देसे मोला आसरा
घरपरा आवसू वापस
चेहरा दिससे हसरा !!५!!
रणदीप
No comments:
Post a Comment