रंगीबिरंगी मोर : सात्विक प्रल्हाद हरिणखेडे

 मोर (peacock)

 रंगबिरंगी मोर

****************************

कार्तिकेय को वाहन मोरो देश को पक्षी मोर

लेयकर फिरंसे नवलख्खा तनपर नक्षी मोर ॥

बादर ढोलक बजावंसे ना करंसे गडगड सोर 

यव बि उच्चो झाड परलं गावंसे पूरजोर ॥

मियाँव मियाँव की आवाज दुहुरलक आमला बुलावं से

फुलायक्यार पिसारा आपलो सुंदर नाच देखावं से ॥

सारो बदन निलो, कृष्ण भगवान को सरिखो

कृष्ण डोईपर, ना मी बी किताबमा ठेऊसू पिस वोको ॥

लंबी मान वोकी लंबी चोच ना डोईपर कलगी तुर्रा 

डौलदार काया थुईथुई नाचं देखाव्ं काजरा डोरा ॥

नाचमा अधिक रंगंसे जबं सिरवा आवंसे रिमझिम

देखनोमा वोला आमी दंग होसेजन ओला चिम्म ॥

बादरमा जसी जसी चमचमाचम रोसन बिजली चमकी

तसो मयुरा सुरतालमा लेसे गरगर गिरकी ॥

ताली बजावंसे पानासंगं टपटप टपटप गारा

कोरस की आवाज लगाव्ं सोंसोंसोंसों वारा ॥

झरझर धारा सर मिलायकन जबं धरंसे जोर

छमछम थुईथुई तबं नाचंसे रंगबिरंगी मोर ॥

(वर्ग: ७ वी)

द्वारा डॉ. प्रल्हाद रघुनाथ हरिणखेडे

मो. 9869993907

9307718485

************************************************************************************