राखी D P Rahangdale 20

                       

                       राखी 

भाई बहीनको प्यार क बँधन ला राखी कसेती 

माय घर जानसाठी राखीकी सब बाट देखसेती।। १।।

सबसे पयले लक्ष्मीन राखी बांधीस बलीराजाला

बंधन मुक्त करशान आनीस वीष्णु भगवानला।। २।।

संकट काल दुर्गावतीन हुमायु ला राखी धाऴीस

मदत करीस राणीला,भाईको धरम पाऴीस।। ३।।

पुरातन काल पासुन राखीक सणला सुरवात भई

बहीणला काहीतरी भेट देनकी प्रथा  चालु भई।।४।।

बहीणभाईक प्यार को बंधन मनमा भई भारी खुशी 

कोरोनाको भेवसे  भारी कसे जाउ कसी कसी।।५।।

मनुन बहीनन भाईला फोन लका संदेशा धाऴीस 

राखी नहीत सुत बांधजो,बहीनको धरम पाऴीस।। ६।।

भाईन भी  फोनपराच शुभ आशिर्वाद देईस

बहीण मोरी सुखी रवजो असो फोनपराच कहीस।। ७।।

डी पी राहांगडाले

     गोंदिया

9021896540