लाख्तखाड D.P.Rahangadale 16

 

लाक्तखाळ 

         

लाक्तखाळ मनजे लगेव अखाऴ असो होसे।

कीसान, किसानी लगावनकी तयारी करसे।।

तिज लका प-हा क मोहतूरवरी अखाऴ कसेती।

बरसातको स्वागतला बाई /माणूस तयार होसेती।।

बाईन बनाईस कणीककी सेवई ना पिठका पापऴ।

दारकी बऴी टाकता झोपकी आयी बाईला झापऴ।।

बाईन आलूचिप बनाईस अना दहीका मिरचा।

जराजरासो सब बनाईस कसे बहोत भयोव खरचा।।

खेतीमा टाकिस माती, तिर ना तोर लगाईस धुरोला।

पेरीस बाऴी, लगाईस बाल, झुनकी,ककऴी, करुला।।

खेतीला पैसाकी गरज भाऊ बंक/सावकार घर गयेव।

खेतीका सातबारा गाहाण ठेयशान पैसा लेकर आयेव।।

पयेलो काम खरपऴाको बखर भ-या ना जूवाऴी।

बखर जुपशान खेतमा गयेव सिंगरा  बैलकी जोऴी।।

दुसरो काम खात फेकनको जुपीस बैलबंडीकी डाली।

पुरो खेतमा खात फेकीस करीस उरकुऴा खाली।।

अखाऴमाच खारी भरीस करीस खेतीको चि-हाटा।

हारेव थकेव कभी दुपारमा लेसे झोपको ख-हाटा।।

पऴेव पाणी निकली खार खेतमा हरयाली छायी।

प-हा क मोहतुर की बाट देखता झोपच लगगयी।।

डी. पी. राहांगडाले

9021896540                      

     गोंदिया