माय गढ़कालिका

९०२१८९६५४०                            dpr

                 

             माय गडकालिका 

                

               (चाल:- मां ज्वाला तेरी )

                ****************************

 जय अंबे माय गड कालिका नमन तोला बारबार 

भक्त की तू रखवाली से २ //

सिंहासन पर चढी भवानी कर सोळा सिंनगार ss

महिमा अजब निराली से //धृ //महिमा........

कोणी कसेती माय दुर्गा कोणी कसेती भवानी /

धारानगरी मा आसन तोरो चंडिका कसेत कोणी //

भक्त आया तोर चरनमा करदे बेडापार ssss 

तोर बिन कोन वाली से २ //१//सिंहासनपर......

राजा भोज की कुलदेवी जेका आम्ही वंशज आजन /

पोवार जाती  आय  आमरी सेवा तोरीच कर सेजन //

तोर द्वार पर मस्तक ठेऊ ना  बेलफुल चढावू ssss

हात आरतीकी थाली से २ //२//  सिंहासनपर......

वैनगंगा मा ओटामा बसीसे पोवार की जाती/

रातदीन वय गावसेती माय तोरीच आरती //

नोको दुरावजो माय आमला गुण गावुन तोरो sss

पोवारी च मायबोली से २ //३//सिंहासनपर.......

धरती क कोना कोना मा बसी पोवारकी जाती/

बोलसेत  वय पोवारी ना करसेती तोरीच आरती //

आशीर्वाद सबला देजो करूसू बीनती बारम्बार sss

तुच भक्त की रखवाली से २ //४//सिंहासनपर.....

डी पी राहांगडाले

    गोंदिया