मोरी शाळा
(चाल: झुक झुक् अगिन गाडी)
सुंदर साजरी शाळा मोरी
सबदून लगसे मोला प्यारी
सबजन शाळामा जाबीन
ए बी सी डी शिकबिन
शाळा की भिती मोठी रंगीत
सुंदर चित्र ना बजसे संगीत
राष्ट्र गान सब गावबिन
ए बी सी डी शिकबिन
शाळा मा से सुंदर बगीचा
रंग रंगका फुल सेतं बिछ्या
फुल सरिखा सुगंधित होबीन
ए बी सी डी शिकबिन
मैदान मा खेलसेजन कबड्डी
अजवरी नहीं तुटी कोनीकी हड्डी
संगठन को महत्व जानबिन
ए बी सी डी शिकबिन
गणित की निकलसे सवारी
गुरुजी आमरा गुणी भारी
पायथागोरस नियम बाचबीन
ए बी सी डी शिकबिन
कार्यक्रम की याहा रेलचेल
नाटक नृत्य संगीत को मेल
सर्वांगीण विकास करबिंन
ए बी सी डी शिकबिन
सब गुन की खान या शाळा
लगसे जसो फुलईनको मळा
शिककर सुशिक्षित सब होबिन
ए बी सी डी शिकबिन
सौ छाया सुरेंद्र पारधी
No comments:
Post a Comment