मोरी शाळा
चलो जाबिन शाळा शिकनला //धृ //
मोरी शाळा से केतरी सुंदर
चुलोवानी से ओको आकार
रंगी बिरंगा से रंग ओला गा
चलॉ जाबिन शाळा शिकनला।।१।।
आसपास से ओला भित
देखशान भयेव अचंभित
बिचमा मेदान खेलनला गा
चलो जाबिन शाळा शिकनला।।२।।
सावलीसाठी झाळ बिचमा सेती
सुंदर फुल बगीचामा फुल्या सेती
मोठी मज्या आवसे आमला
चलो जाबीन शाळा शिकनला।। ३।।
गुरुजी शिकावसे मोठो छान
आमी ठेवसेजन गुरु को मान
अ आ को फाळा बाचनला
चलो जाबिन शाळा शिकनला।। ४।।
क ख ग घ का फाळा बाचसेजन
ए बी सी डी वा भी शिकसेजन
भेटसे आमला मजा करनला
चलो जाबिन शाळा शिकनला।।५।।
गुरुजन ना मोठोकी आज्ञा पाळबिन
माय बापकी आम्ही सेवा करबीन
आपल जीवन को उद्धार करनला
चलो जाबिन शाळा शिकनला।। ६।।
शाळा शिकबिन त भेटे ज्ञान
बळजाय किर्ती ना भेटे मान
सुखी करण आपलो जिवनला
चलो जाबिन शाळा शिकनला।।७।।
डी पी राहांगडाले
गोंदिया
No comments:
Post a Comment