मोरी शाळा
शाळा मोरी सें केतरी साजरी
लगावं सेजन आम्ही रोज हाजरी ll
क ख ग घ अक्षर लिखं सेजन
शिस्त का यहा पाठ शिकं सेजन
ग्यान भेटं सें गुरुजन परी ll
चित्र-सुभाषित लका भित्ती सजीसेत
संगीभाई संग गाणा-गोष्टी रंगीसेत
खेल को मैदान भी सें भारी ll
मोरो शाळा मा से पुस्तक को भंडार
भेटं से गणवेष ना पोषण-आहार
बसनला सेत डेक्स-बेंच ना दरी ll
सद्गुण-संस्कार भेटं सेती शाळामा
मन रमं से पुस्तक पर को चित्रंमा
बगीचा मा बच्चा इनकी गुंज सें किलकारी ll
पयले भेटं शाळा मा छडी को मार
आंनददायी शिक्षण आता उपक्रम बेसुमार
पास होन की रीत सें बरी ll
लिख-पढकर अच्छा माणूस बनबं
जग ला वैज्ञानिक दृष्टिकोन समजावबं
अज्ञान भगावबं दुरवरी ll
शारदा चौधरी
भंडारा
No comments:
Post a Comment