धरणी नट् से हिरवो रंगमा| प्रेमी झुल् से बारीस संगमा|
जीत मिल जासे जंगमा| सावनकी महिमा||१||
आव् से बरसाद रातीला| सुट् से सुंगध मातीला|
काम बहू बाईको जातीला| येन् श्रावणमा||२||
सण त्योहारकी धुमधाम| सरत नही दिवसभर काम|
जपसेत सब मुखमा राम| श्रावण महिनामा||३||
करसेत शंकरजीका उपास| भक्तिमा नही कोणी नापास|
लग् से चेतनाको तपास| आपलो अंतर्मनला||४||
जिवती, नागपंचमीको होरा| राखी, मारबत, पोरा|
तीजा, कण्हेय्याको तोरा| दिससे सावनमा||५||
ठेवो खानपान शाकाहारी| नोको बनो मांसाहारी|
मन बनावो सदाचारी| सांगसेत शास्त्र पुराण||६||
खेतीमा झुलसेती धान| नववधूका खुलसेती वान|
माहेरमा आवसे जान| टुरी आयेवलक||७||
*********************************
✍महेंद्रकुमार ईश्वरलाल पटले(ऋतुराज), किडंगीपार
ता. १९/०७/२०२०
भ्र. क्रं. ९५५२२५६१८९
No comments:
Post a Comment