मतदान chiranjiv bisen 02

                मतदान

                  

         बात तब की आय जब मतपत्र (बायलट पेपर) ल् मतदान होत होतो. असोच एक लोकसभा क् चुनाव मा तीन दोस्त वोट देयकर आया.अना आपस मा चर्चा करन लग्या. 

१ लो दोस्त - अबे, इमानदारी ल् सांगो कोण कोणला वोट देईस त्? 

२ रो दोस्त - मी सांगू का, मोला पंजा वोलो न् १०० रूपया, घडी वालो न् १०० रूपया अना फूल वालो न् ५० रूपया देई होतीन. मी सोचेव कोणी को फुकट नही खाये पायजे. मून मीन् तीनही झनला एक एक वोट देय कर आयेव. 

३ रो दोस्त- तोरी त् चांगली २५० रूपया की कमाई भय गई. मोला नही भेट्या भाऊ एकबी पैसा. तसा मी वोट का पैसा लेव बी नही. 

१ लो दोस्त - पर वोट कोणला देयेस ऊत् सांग? 

३ रो दोस्त - कोनला मंजे. कोणीकाच पैसा नही भेट्या त् कोणीलाच वोट नही देयेव. कोरोच पेटीमा टाक देयेव. 

२ रो दोस्त - चांगलो करेस कोणीलाच नही देयेस त्. तसो वोट देयेव ल् काही फायदा बी नाहाय. आता तू सांग भाऊ, कोणला देयेस त् वोट? 

१ लो दोस्त - मोला बी दुय झन करल पैसा भेट्या. पर मीन् बिचार करेव सब झन चुनकर आवन साती उभा भया सेती. कोणीको अपमान नही करें पाहिजे. मून मीन् ७ उमेदवार होता उनला सबला एक एक वोट देय देयो. 

            चिरंजीव बिसेन 

                     गोंदिया.