अनमोल मोती राखी hargovind tembhare 20

अनमोल मोती राखी

भाई बहिन को प्यार को,

त्यौहार आय राखी को ll

तोला का सांगू सखी,

मोरो जवर से एक राखी ll

आय गयी जवर आता राखी,

कम दिवस सेत आता बाकी ll

भाई से मोरो दूर पठाय देसू राखी,

काहे की आता दिवस सेत बहुत कम बाकी ll

लहान पन मा खेल्या करया आनंद की मस्ती,

अज पठावो राखी ll

लहनो भाई की से पुकार,

बहिन पठावो अज से राखी को त्योहार ll

सब बहिन की से एक पुकार,

रक्षा करे भाई की भगवान ll

 भाई देसे वचन निभावन को प्यार,

अज से मोरो भाई को त्यौहार ll

सब बहिन ला नमन से बार बार,

स्विकार करो भाई को प्यार ll

भाई बहिन को कसो से प्यार,

येको प्रतीक आय राखी को त्योहार ll

प्रा.डॉ.हरगोविंद चिखलु टेंभरे

मु.पो.दासगाँव ता.जि.गोंदिया

मो.९६७३१७८४२४