कृष्ण भजन आरती D P Rahangdale

कृष्ण जन्माष्टमी भजन (चाल -फुलोसा चेहरा  )

                           

 कान्हा कान्हा,आमला जान देणा,मथुराक बजारला

अडावू नोको बाट,फोडु नोको माठ,नंदको नंदलाला

            //  धृ //

सासुरवासी आमी गवळी की नार,

दही दूध  की हांडी डोईपरा ,

अळावु नोको कान्हा बाट आमरी 

नटखट गवळीको टुरा 

पाय लग गवळनी,नोको करू छेळखानी,

गावमा होय रे गलबला//१//

केती  कान्हा तोरी मधुर बन्सरी,

बजावना तु एकघन तरी   

पगली भई गवळणी सारी,प्रीत तोरपर लगी हरी 

आडवो रव्ह रस्तापर,फोळसे यव घागर,

करं गोफनको मारा //२//

चोरी चोरी घरमा आवसे, दहीदूध लोनी खायशानी जासे, सासू मोरी गुसा करसे, संगी साथी संग गावमा फिरसे

राधा गवळणी को साथ, तोला जोळृ दुही हात,

नंद यशोदाको टुरा //३//

तोरी महिमा सबदुन न्यारी,

कोनी कसेत स्याम कोनी कसेत मुरारी,

लीला तोरी सबदुन न्यारी, पुजा करसे दुनिया सारी

देयेस कंसला मार तोरी महीमा अपरंपार 

करु तोरो मी जयकारा //४//

डी पी राहांगडाले

   गोदिया